[منذر الساعدي]

رَسم بغداد!


أحب اطيوف شوكَك لو غفت عيني
تجيني الغربتي وتكعد تسليني
هاك اخذ العمر وشباقي بسنيني
يا أجمل حلم وياااااااااااك خَليني
تعال وجيب روحي من تلاكيني
إوبعيونك رَسم بغداد راويني!!!
إوحط كل العراق ابينك اوبيني
أريد أسأل عَليه خاف ناسيني!
وأريد أحجيله بهمومي التأذيني
وأريده ابضحكتي الضاعت يدَليني
عراق الحُب رسمته ابكل عَناويني
ما ناسيه اويا غُربه التنَسيني!!!
صرت شاعر عراقي وحُبه سابيني
وتلكه اسم العراق ابكل دَواويني!
نَفس ذاك السمار البيه تلاكيني
ثِلوج الغُربه ما كِدرَت تِخَفييني!
عراقي أنه وتعال انظر نياشيني


الشاعر حسين الساعدي

راق لي

[ali 2012]

عاشت ايدك
مشكووين

[منذر الساعدي]

اقتباس : المشاركة الأصلية كتبت بواسطة ali 2012 [ مشاهدة المشاركة ]

عاشت ايدك مشكووين

وشكرا لمرورك الاروع اخي علي
تحياتي