يهلي قرب مني الاجل -- ومحد كرب ليه اوصل

عاشقة زينب ع · بتاريخ : 25-05-2013 الساعة : 02:06 PM

يهلي قرب مني الاجل -- ومحد كرب ليه اوصل

زينب انا ولمن طحت -- علتي يبويه جبيره
ياعلي بنتك لو شفت -- بعيوني نظرة حيره
وحدي بقيت بلا اخو-- وحشه عليه الديره
اخر نفس بيه وصحت -- عباس يابو الغيره

وين اخوتي وباقي الاهل -- زينب تناشد وبعجل

وبيوم دفنتها تون -- صاحت يخويه حسيني
ياهو الينزلني الكبر -- وبدمعته يواسيني
عباس خويه ماتجي- اوانطيك انه جفيني
بس هل عليه هالترب-- وبيدك تغمض عيني

صبري انه ايهد الجبل لو ازعل الكافل زعل

وينك يحماي الحمه -- وحدي انا وحيرانه
ترضه اظل بلا اهل -- وابغربتي حزنانه
يابويه داري موحشه -- ومُرَ اصبحت دنيانه
تاليهه من عكب الكمر -- صار الشمر يبرانه
وحسين يابويه انجتل -- هذا الجره والي حصل

عباس صابوه بغدر -- كطعوا يبويه جفوفه
وروع رقيه هالشمر -- دخلهه قصر الكوفه
وطبيت للشام بقهر -- وايدي بحبل مجتوفه
فرجه صرت للي يمر -- وخيالي كلهه تشوفه

تفكيره هذا هلنذل -كل ظنه والزينب يذل

ترضه يشوفوني االعده -- ماظن ابد ترضاهها
وكليبي لبن امي يرف -- ولشوفته اتمناهه
كل صوره بالطف مؤلمه -- مكدر ابد انساهه
وعيوني متبطل دمع -- لو اسمع بطرواهه
يلمهدي اظهر بلعجل -- اظهر ورجعلي الامل

يهلي قرب مني الاجل -- ومحد كرب ليه اوصل

بقلم عاشقة زينب ع

13 رجب 1434هــ