اهداء لكل ام فقدت ابنها .......وبالاخص الام العراقية

الزهراء الزكية · بتاريخ : 18-10-2007 الساعة : 11:23 PM

انه الوالدة وجور الوكت ذبني

آنه الوالدة وجور الوكت ذبني وأحس الروح راحت من رحت يبني
‏*** ‏
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
‏*** ‏
تكبر والأمل يبني كبر وياك لدارك من تطبها بلهفة أتلقاك ‏
تصد عيني إعلى طولك والكبد يرعاك ماأدري تروح وتنفقد مني
‏*** ‏
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني‏
‏*** ‏
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
‏*** ‏
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
‏*** ‏
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
‏*** ‏
من بعدك أقضي بالحزن يومي يجيني الليل وأتوسد على همومي‏
كل لحظة أفز مرعوبة من نومي جنك مامتت آنه المتت جني
‏*** ‏
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني
‏*** ‏
القصيدة للشاعر الأديب جابر الكاظمي

حزن الزهراء · بتاريخ : 19-10-2007 الساعة : 12:10 AM

آنه الوالدة وجور الوكت ذبني
وأحس الروح راحت من رحت يبني

ان شاء الله الفرج قريب على يد مولانا ابو صالح عجل الله فرجه الشريف

بارك الله فيك وجزاك الله خيرا

دام توفيقك ياشاعر اهل البيت ع

Ahmad · بتاريخ : 19-10-2007 الساعة : 02:42 AM

كلمات جدا رائعة للاديب جابر الكاظمي الله يحفظه

شكرا للنقل

الزهراء الزكية · بتاريخ : 19-10-2007 الساعة : 02:28 PM

السلام عليكم
مشكورة على كل من دخل ونور الموضوع والله يصبر قلب كل ام فقدت ابنها

الزهراء الزكية · بتاريخ : 20-10-2007 الساعة : 01:52 AM

يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني

Dr.Zahra · بتاريخ : 20-10-2007 الساعة : 06:55 AM

اللهم صل على فاطمه وابيها وبعلها وبنيها والسر المستودع فيها بعدد مااحاط به علمك.......

اه اه على الام العراقيه
شيصبرج يميه على كل هذا الي تضمينه بصدرج
بكيتيني اختي بهذه القصيده عاشت ايدج وايدج شاعرنا الكبير جابر الكاظمي

خادمة الشيخ المهاجر · بتاريخ : 20-10-2007 الساعة : 07:53 PM

بسم الله تعالى
اللهم صل على محمد وآل محمد
آه آه آه آه
ياربي شيصبر قلب المضيعه ولد
ليلها تخلصه بلوعة وبألم
بارك الله بيج على هاي القصيدة الرائعة الحزينة
دمتم برعاية بقية الله الأعظم

جريح القلب · بتاريخ : 20-10-2007 الساعة : 11:19 PM

الزهرة الزكيه
مشكوررررررررره
والله يعطيك الف عافيه