دمع الموالي ماصبر************* عزه الامام المنتضر
بكلب زينب الم وخيام ملهوبه
ولو تقره ابدمعهه ايتام مسلوبه
وراس اعله الرمح وجساد ملهوبه
راس الحسين ابهلخبر------------------- عزه الامام المنتضر
زينب لوكلت معناهه جف عباس
وعبدالله الرضيع البجه كل الناس
زينب تعني جسام الخضيب الراس
جورالسبي وي كل اثر ------------------عزه الامام المنتضر
زينب دمعة الاكبراجت لحسين
تريدالماي منه ويابسه الشفتين
وزينب عين سكنه البجت الثقلين
الهه يون حتى الحجر ----------------------عزه الامام المنتضر
حتى الدمعه تعرف زينب الحره
لسه عيون زينب تبجي للزهره
بهالفاجعه جف الكمر ----------------------عزه الامام المنتضر
زينب حسرة السجاد واهــــــــــــاته
ورقيه وراس ابوهه التجري دمعاته
زينب باب فاطم لسه عصراتـــــــــه
البرينوح وي ابحر -------------------------عزه الامام المنتضر
احترك كلب الخيم من نار دمعتـــــــهه
وسجب دمع الورق بيدي اعله قصتهه
ماسلبو خدرهه وتبقى عبرتــــــــــــهه
يبجي اعله قصتهه الشجر عزه الامام المنتضر
بحجاب الحره لاتتوهم الاقــــلام
حجاب الحره ماطاح وابد ماهام
اذا هي الحجاب اليستر الاسلام
زينب حجاب ابكل دهر--------------------عزه الامام المنتضر
اعله البنين ام الوفة تبجي السماوات
عباس ينحب والرسل وي الرسالات
مهظومه ياأم الوفه مو يمج حسين
عباس يمج ماحظر لحظة تموتين
محد بقه من الاهل المن تودعين
بس سكنه يمج بالالم تنحب ولاهات
تمنيتي عون يشيعج يحمل التابوت
وعباس بيدة ينزلج يم حفرت الموت
تسمعينه يبجي ويندبج عباس بالصوت
لاصوت الحسين انسمع جاوين الاصوات
العباس منج يعتذر ماعندة جفين
وحسين منج يعتذر ابلا خنصرحسين
راس السبط فوك الرمح بيه انتي تدرين
عليج الكلب يم الوفه مالوم حسرات
تدرين بحسين انذبح يالحره عطشان
وزينب يجتفوهه بحبل والدمعه عنوان
بسكنه انتي تدرين انسبت مذبوح الايمان
تعذيب من درب السبي مرسومه عبرات
يشيعج علي والمرتضى وجبريل وي نوح
انتي الوفيتي الفاطمة باولاد والروح
ضلت تسولف كربله وتنعاج بالنوح
ماننسه دوم ام الصبر وام البطولات
الخادم حيدرالخفاجي الرميثي
ضد أمية بكل عصر تهدم اصنام الكفر
زينب الهــزت يزيد ابن الدعية
حملت اسرار الحسين بكل قضية
ندعي يحرسهه يضل رب البرية
والله يحرس سكنه والشمعه رقية
زينب انجيل النصر تهدم اصنام الكفر
الله فاضحكم يعرعور بكتابة
يالنبشتوا قبور اسياد الصحابة
ليش سيدكم حجر زحتوا ترابة
وليش قبر الحسن هدمتوا قبابة
لاأبن عاص وشمر تهدم اصنام الكفر
كل بني السفياني ماعدهم ظمائر
شو عقيدتكم صفت نبش المقابر
تحاربون الله ورسوله وكل شعائر
بخدمت اسرائيل وذنوب الكبائر
تبقى تورات الفجر تهدم اصنام الكفر
انتي بت الزهره اسمج ضل يذلهم
وهمة اولاد الدعية وهند امهم
ياكلون اكبادنه وهذا فعلهم
جم رضيع اليوم ذبحوا من جبنهم
تضل رغم قيد الاسر تهدم اصنام الكفر
الخادم \ حيدر الخفاجي الرميثي
بعد لا ما تنسبي بت علي وبت النبي
حره ﻻزم تنتصر بكل زمن وبكل عصر
زينب انجيل البطوله والسبي يضل شاهد
انتصرت بثورة سبيهه هي جانت قائد
تنحني يمهه الجبال تسحك عروش الظﻻل
-------------------------------------------------------------
كربلاء تشهد لزينب زينب المنتصره
مرقد الحوراء كوكب هي نورالعتره
بت علي والعالمه تعلمت من فاطمه
اتحدت يزيد وجيوشه وزلزلت كل ظالم
الباري يحفظهه نريدة واﻻمام القائم
يحفظ المرقد نريد ويهزم الظالم يزيد
تحملت كل المصايب زينب المظلومه
سجد يمهه الكون كله والكمرونجومه
زينب ايات الصبر هزمت يزيد وشمر
الخادم\ حيدرالخفاجي الرميثي
قصائد زينبية للشاعرحيدرموسى الخفاجي
العرض العادي
