[عباس طريم]

لتغمس كلام العسل بالسم
+
لتغمس كلام العسل بالسم
______________________

عباس طريم
+
لتغمس كلام العسل بالسم
ولا تخلط كلام الهزل
بالجد

+
ولا تفعل فعل واتعود تندم
ولا تأمر ابشي اوتعمل
الضد

+
واضح صير .. في دنياك تسلم
والواضح ابكل مجتمع
يحمد

+
وكلامك .. كبل لا يخرج من الفم
تاكد من رصاصه خاف
يرتد
+
حذاري اتكله وسط المجتمع .. كم
اخوك .. اللي يجي ويمد الك
يد
+
والكاصد البيتك .. يجي ايسلم
حرام اتقابله بالجفه
وبالصد
+
اعرف مقدمك .. من حيث تقدم
حرام اتصير بين الجزر
والمد
+
واخوك .. التربطك بي رابطة دم
كيف ايصير الك .. واتصير اله
ند
+
لتشد بالحبل كل وكت .. تنذم
وارخيله الحبل.. لو صاحبك
شد
+
اعمل طيب , يا صاحب .. تعلم
لان الطيب مثل النهر
يمتد
+
جرب صاحبك .. ما راح تندم
وشوفه انجان صاحب طيب
ينعد
+
لا تمدح بشر .. تحتاج للذم
وتحتاج الجفه .. من يذبل
الود
+
ابني .. ولا يغرك فرد يهدم
لانك بالبناء .. اتقدم
الرد
+
اترك للقا .. فتحات للشم
لتخلي الطرق للصلح
تنسد
+
تحزم بالكرم .. لو ردت مغنم
الكريم ايحكله بين الكوم
يعتد
+
الكرم مذكور بالتاريخ منجم
الحواه امن السعيد ..ايصير
اسعد
+
اذا تنخه الكريم .. ايكول : تكرم
وعين ايصير الك.. ويصير الك
خد
+
واحذر من بخيل الطبع .. يا عم
تراه بالضيج , والكلفات
يرتد
+
الواحد عله الثاني .. عيب يرهم
البخل, والكرم .. ما بيناتهن
سد
+

فرق ما بين اليفرق .. وليلم
مثل الفرق بين الحقد
والود
+
ارحم كالت الامثال .. ترحم
وانجد بالعسر والضيج
تنجد
+
عباس طريم

[نزار الفرج]

بسم الله الرحمن الرحيم
بوكت واحسنت ... قصيدة جميلة
تقبل مودتي ودعائي
اخي العزيز عياس طريم
ابومُحسَّد النجفي
نزار الفرج

[عباس طريم]

ادبائنا الافاضل .. الاستاذ ابو محسد النجفي , الاستاذ نزار الفرج .

سررت بمروركما على ابواب قصيدتي المتواضعة .. ذالك المرور الذي
يخلف اثرا ايجابيا في داخلي .. ويجعلني اتطلع الى كتابة المزيد
من الاعمال الادبية .

شرفني مروركما ..