[خالد محمد مهدي]

بمناسبة تتويج الامام المنتظر ((محمد بن الحسن العسكري ))عليهما السلام

***********

مناجات للأمام المهدي عجَّل الله فرجه الشريف

*************

حلم عاش أويه روحي \\ صبح بلسم جروحي

أشوف المهدي بالعين

ورده أبجف لحسين

***************

لهفه وصادقه النيَّه \\ أشوف المهدي وتنعَّم

يعم الفرح بالدنيه \\ وتظل أشعاري تتنغّم

أغمض عين أحلم بيه \\ وفتح عيني هم أحلم

وشوف البايعه يطَّيه \\ روحه وأبد مايندم

بحكمه تزهي لسنين

ورده أبجف لحسين

***************

جنت أحيا حياتي بآه \\ دموعي ضاكّت بعيني

شفته بالحلم وأنخاه \\ يمد جفَّه وينجّينـــــــــي

نطاني أيده والآمال \\ ثبت وسط الكّلب ديني

صحيت وعفته للترحال \\ وأنطر مركب حسيني

يكّر بشوفته العين

ورده أبجف لحسين

***************

الك تمطر فرحهه الروح \\ تنتظرك يواليهه

الفرح حاضنته بس مذبوح \\ وجروحه تداويهه

أبحر لذنوب لِسّه تفوج \\ وتناطر تنجّيهـــــــــه

على شاطيك أخذهه الروج \\ بجرفك نست ماضيهه

أعتذرت ماكو بعدين

ورده أبجف لحسين

***************

حبيبي اكبال عيني أظهر \\ حالي أيصير غير الحال

بين عيونـــي أتصوَّر \\ صور مامرَّت أعله البــال

آنه وذنبـــــــــــي كّدّامك \\ همّي ماتحملـــــــه جبال

أشوفن نـــــور أيامك \\ الذنب عن المتن ينشـــــــــال

وياك أتمنَّه عمرين

ورده أبجف لحسين

***************

ضنوني أستحت من عينك \\ أدنّك راسي لعيونك

وتمسح ذنبـــــــي جفّينك \\ وأحلف بعد ماخونك

صفحه بيضه بيه أكتب \\ أطب سيدي عونـــــــك

عله خطاك أمشي ما أذنب \\ وأبد ما خيَّب ظنونك

عذري من الموالين

ورده أبجف لحسين