شيضرّك من بݘينه **لو لطمت أدينه
عله مصابه الولينه ** بسَّك يلتعادينـــه
انته اعتقد مالـــــــــي بعتقادك** ظل وحدك مصّر تتبع عنادك
بغض حسين ياناصبي شفادك ** تحلــــم أحلم اتحققه لمرادك
ظل عايش بأحلام **ليلك ابد متنــــــــــام
ظالم تبع ظـــــلّآم ** وتصدگون الاوهـام
تريد تعيد تبنيها السقيفــــــــه **وبالبهتان أتنصب خليفه
مثل لاول نطّه الثاني وظيفه **والثاني لعب بيهـا بكيفه
لادين أوصايــه ** كلمن عله مايه
متعصب برايه ** نسوا حيدر الغايه
آنـــي بعتقادي حسين أمامي **أطيعه وحبه واجب وأحترامي
سجودي بودّه مقبول وقيامي ** اسلم عليـــــه ويردلي سلامي
جنّه أمفتَحه بيـــــــان **جهنّم تطفي نيران
وكل ناصبي خسران ** ماثكّــــل الميزان
اهل العلم أنشدهم يغافـــــل ** لو أنته بعقلك هذا قابـــــــل
شيوخك منهم أتعلمت باطل ** للجربه تبعت والحاله مايل
ربي آنه أوحـــد** التعبده شاب أرمد
آنـي باݘر أسعد **والنار الك مرقـــد
شيعه حقنه نتفاخرأبفخره ** الباري علّه شانه ورفع قدره
لأنّه مابخل بدماه ونحــــره **حيا دين النبي لنسيتوا ذكـره
ثلاث ليالــــــي مذبوح** فوك الثره مطروح
الانفاسي صفه الروح ** حقنَه نبݘي ونـــوح
بكتبك اليقين وكتبـي محفوظ **ياأثبات عندك كلّه مرفوض
الباطل بالادلّه عدنه مدحوض**وحالك هذا بالايات منقوض
فك اذنك اسمعني ** آنه الك اعنـــــــي
عنّك الردعنـــــي **يقيني وحسن ظنّي
****
بسَّك يلتعادينه
العرض العادي
