[اليقضان]

منهو گال اعله الأرض موضوعه ****راية العباس هالمرفوعه
فوگ گبة ذهب خفاگه وترف ***تحف بيهه وهي بالگبة تحف
ماينكسهه القدر والهه يلف ****يگدر الباطل وكل فروعه
الهه من ابعيد كل ناظر يشوف ****شامخه ونيشان صارت للطفوف
وبالتحيه اتنوب عن ذيچ الچفوف**** الغدت من ازنودهن مگطوعه
من محمد للصميدة مقدمة ****بيوم خيبر صنع بيهه الملحمة
وبيد ابو فاضل أمانة مسلمة ****من ايد عوده وصانهه المودوعة
بآسم هاشم گمر صارتله وصفت ****بزود راعيهه وعزم همته علت
طخت الرايات إلهه وهبطت ****ومن عمدهه الكل غدت منزوعة
لايمن گايل اعله الگاع العلم ****مانصف وجدانك بحگ وحكم
شلون تنقل خبر مكتوب بقلم ****غدت من سمه الكتب ملسوعة
العلم فوگ الگاع ياحيدر تگول ****من حديثك هذا مدهوشه العقول
تصول بالطف گوم شاهدهه وتجول ****ولا تضن عن النظر ممنوعة
للشرف عنوان يحملهه الشريف ****ماهوت عالأرض من طاح الحليف
جروحه من شاهدت ماخذهه النزيف ****بالحداد عليه حنت مفجوعـة
حايره ويم مصرعه تلف وتحوم ****ياجرح يتضمد اوليهه يگوم
تشد هذا ذاك يتفجر دموم ****چانفجار العذب من ينبوعه
نصر من الباري حملت هالشعار ****مرصعة بديباج واتشع بالخضار
ولونهه من دمه چالياقوتة صار ****حمر بي متخضبة ومنگوعة
موسد اعله الغبرة تنظر للحبيب ****مبتر الذرعان وبدمه خضيب
عدهه ماضل كل أمل يشفه ويطيب**** وينهض وياهه ويتم مشروعه
عشگت العباس حگهه العاشگه**** عنه ماتبتعد بي متعلگه
ويا بگت متلازمه ومتفارگه ****فوگ جثته البالكبر مضجوعة
تعد بالساعات مو يوم وشهر ****بلهفة تتنطر يعود المنتظر
ومن غيابه المهدي لورد وظهر ****الهه يحمل لو علن بطلوعه
ملك للطلاب من وكته يحين ****تصبح ابلا شك ولا ظن باليقين
وبيهه يعلن يالثارات الحسين ****ودم رضيعه وچبدته وضلوعه

[لبيك داعي الله]

اقتباس :

وبيهه يعلن يالثارات الحسين ****ودم رضيعه وچبدته وضلوعه

يالثارات الحسين

في قمة الروعه والجمال

معبره جدا سلمت يداك ....

تحياتي........ لبيك داعي الله.