[ملكة الليل]

ما بي سوى شي واحد منك يا الغالي إرسل رساله وطمني عن أحوالك

ما تدري إني أضيق وينشغل بالي لا غبت عني زمن أو غاب مرسالك

ومن كثر ما شوف طيفك دايم قبالي ومن كثر ماني أحبك وأعشق وصالك

ما عاد باقي رساله وسط جوالي إلا هي ألحين موجوده في جوالك

أشتاق لك وإنت ما تشتاق لوصالي عاجبك يعني يموت الحب بهمالك

جرب ولو يوم وسألني عن أحوالي حتى ولو كنت أنا ما جيت في بالك

شف كيف ابفرح وبقهر كل عذالي شف كيف يجي سؤالك عاشقا هالك

يا كثر ما شلت هم غيابك لحالي شل هم خفاق شال همومك وشالك

قلبي من العام لا داله ولا سالي صبحه أبد ما فرق عن ليله لحالك

معقول مالي مكان في قلبك الخالي و النوم يحرم لعيني و انت يهنالك

و أنا إللي أذكرك في حلي وترحالي و أنا إللي أشعل شموعي وأتحرى لك

[الياسمين]

يا كثر ما شلت هم غيابك لحالي شل هم خفاق شال همومك وشالك

قلبي من العام لا داله ولا سالي صبحه أبد ما فرق عن ليله لحالك

معقول مالي مكان في قلبك الخالي و النوم يحرم لعيني و انت يهنالك

و أنا إللي أذكرك في حلي وترحالي و أنا إللي أشعل شموعي وأتحرى لك


يسلمو على الكلمات الحلوه


الله يعطيك العافيه\

[أسيل الشوق]

ومن كثر ما شوف طيفك دايم قبالي ومن كثر ماني أحبك وأعشق وصالك

همسات عشق رائعة...
وعتاب جميل ..
تسلمين أختي ملكة الليل..
تحياتي

[ملكة الليل]

تسلمي (الياسمسن _ أسيل الشوق )
على مروركم لصفحتي المتواضعه

[فراشة المستقبل]

يسلموووووو على القيده الرائعه جدا
لا عدمنا من ابداعج يارب
انتظر جديدج من الأبداع والتميز
تقبلي مروري وتحياتي