[ربيعيه]

بسم الله الرحمن الرحيم

الطبخات من اختراعي ما اعتمد لا على وصفات ولا مقادير معينه الي موجود قدامي اخليه في الطبخ

غدانا سلقت اللحم وحمصت البصل وقليت مكعبات البطاطا والبادنجان وقطعت فليفله

بعد تحمير البصل خليت عليه اللحم والفليفله والبطا طا والبادنجان والزبيب وحب الرمان

والبهارات وجزر مبشور




الحين سلقت مقدار من العدس الي لونه بني ما ادري كل بلد له تسميه

وبعدين اخدت الماي الي حق العدس وخايته على الرز وطبخته علشان يعطي لون وخليت

عليه مقدار الملح وعلى جنب كنت محمره شعيريه مع قليل زبده لين يصير لونه دهبي

ولما قرب ينضج الرز خليت عليه الشعيريه والعدس وبعدين خليته لين ينشف





والسلطه حسب الموجود في المنزل





وهذا غدانا تفضلوا





وهذا غداء ولدي ما يحب يجرب اي شيء خليت له رز احمر مع لحم وصورته بعد





الان دور العشاء

شوارما لحم قبل اقطع اللحم صغار واخليه في قدر واضع عليه البهارات بجميع انواعهاوملح

وملح الليمون وزيت زيتون وزبادي واغطيه لمدة ساعتين

اقطع بصل شرائح وفليفله حسب الالوان الي تكون موجوده وتحمريهم

بعد ساعتين نضع اللحم في مقلى ونغطيه لين ينشف من المويه ويتحمر انظيف له البصل

والفليفله ياخد نصف ساعه





والسلطه





الخبز





تفضلو معانا





ما اعرف اشرح بس اذا حبيتو توضيح اني مستعده

[foo6a]

ماشاء الله شكلك طباخه ماهره ربيعيه اانا ماابغى اطبخ بس ابغى اكل ارسليلي صحن؟ ههههه
عليكم بالف عافيه

[نسايم]

تسلم ايدش ربيعية
يعطيش العافية
واتاكليهم كمان وكمان<<<<<<<< اولادش يعني



حبيت افيدش بشي غناتي دامش تطبخي لحم كثير

انا استخدم صفرية من معدن التيتانيوم ماتاخد وقت في تنضيج اللحم اسميها الصفرية السحرية

لانه شاورما اللحم ماتاخذ عندي ربع ساعة

حسيت انه ساعتين وقت طويل عن نفسي بمل وبهون ومابسويها


اسوي ليها دعاية <<<<<<<<< للصفرية

ماتاخذ وقت طويل وتنضح الاكل عدل
وسهله التنظيف





بس سعرها غالي بس الف ريال




بس مااستغني عنها ومخليه لها دولاب لحالها <<<<<<<,يمكن احبها واني مادري



بس حبيت اقولش يمكن اتفيدش

معذرة على الاطالة

[Blossoms]

يمم يمم شكلها جونااان الكبسة يالله بكرة الغذا عندش

تسلم الايادي حبوبة

[أنوار البتول]

تسلم ايدج خيتي وبالعافيه وعسااج عالقووه
وهذا ولدج بعد مدلع مايبغى الا على كيفه .. :p

[ربيعيه]

مشكورين اخواتي على المرور

اختي نسايم من زين التعبير فهمتي خطا اخلي اللحم ساعتين يتخلل بالخلطه وبعدين في المقلى ما ياخد وقت


واستخدم الى الحم طنجره ضغط


لكن ياريت تصوري لنا القدر الي عندك وتكتبي مواصفاته المميزات والمساوى اذا كان فيه وتخليه في موضع خاص والكل يستفيد

[نسايم]

وافشيلتا على استيعابي



شكرا على التوضيح اختي ربيعية


ان شاء الله اصور صفريتي السحرية

واسوي لها موضوع كامل واذكر كل حسناااااااااااااااااات صفريتي لانه لحد الحين ولله الحمد ماشين معاها تمام التمام



وبذكر الطبخات الي طبختهم فيهاااااااااااااااااااااااااا






اعتذر على سوء الفهم

[ام معصومه العلويه]

عجبتني الشاورما يالله عليش عشاء
عليكم بالف الف عافيه

[نور المستوحشين]

يممممممممم جوعتينا ربيعية

بالعافية عليكم ان شاء الله

وعلى طاري الصفرية السحرية ماظل احد ماسوينا له دعاية


هذي العزيزة الغالية عند امي خخخخ

بس بجد سحرية تخيلي تقلي بطاطس من غير زيت هههه


تحياتي نور...

[الحيدرية]

الله يعطيك الف عافية اختي