[ام وحيده]

وشوفوا هذي النصايح تهمكم ليلة العرس وذاكروها زين قبل يوم الزفة
اكيد لاحظتوا ان مواضيع الاعراس دايما تركز على العروس: على ملابسها ، على مكياجها على صحتها ، على اعصابها و.و.و... ,,,
والعريس المسكين محد جايب خبرهماغير ادفع وانت ساكت

لذلك جرى التنويه لما يلي:

تضامنا مع اخواننا المساكين المقبلين على الزواج واللي محد واقف جنبكم اهدي اليكم هذه النصائح قبل العرس بشهرين

تاكد انك سويت الاشياء التاليه:

هديه بسيطه(مش بسيطه اوي ) تهديها لعروستك في اول يوم عسل
تجهيز كل الحاجيات لبيت الزوجيه

قبل العرس باسبوع:

لاتحلق ابدا لمدة اسبوع كامل ، علق ثيابك في بيتك مو تروح طرزان ، ثوب العرس والبشت جاهزين ، ادواتك الشخصيه كامله وجاهزه ، فرشاه اسنان ، ماكينه الحلاقه ، عطوراتك ، ملابسك الخاصه ، بيجاما ، روب نوم فوق البجاما حق الكشخه. نظف وجهك بالبخارقبل اسبوع من العرس ( علشان مايطلع وجهك منفخ في العرس) ، حجز موعد عند الحلاق علشان حلاقه ومساج و الخ الخ الخ

يوم العرس:

خذ كفايتك من النوم ، بعد ماتقوم خذلك دوش دافي وتفرك زين
روق بالك وعقلك ، وفكر في افكار حلوه ورايقه علشان ينعكس الروقان على وجهك ، (يعني لا تروح العرس وانت مكشر او مرتبك او او او.). تغدى كويس لا تطيح علينا في العرس وتفشلنا
عشاء مافي ، لاتحلم انك تاكل في الليل علشان تكون خفيف ياخفيف
(في واحد من مشفوح وتعشى قبل العرس وجاله تسمم من الاعصاب ليلتها ، وقضى الليله مابين الحمام والحمام ، وكانت ليله مايعلم فيها الا ربنا ولين الحين نضحك عليه بسبتها ).
بخر الثوب والبشت وهدومك اللي بتلبسها كلها ، روح موعدك للحلاق وخليه يسويلك حلاقه معتبره ومساج علشان يروح أي ضغط عصبي وريلاكس .

وهذه لفته على البيعه بانواع العطور الرجاليه الحلوه:

هافن
هريريرا
كارتييه
شانيل
بوشيرون
س ت ديبون
روح الحين لعرسك بدري مو تحسب نفسك معزوم
وتروح متاخر (يعنني اتغلى)

لحظه الدخول لصاله النساء للقاء العروس:

سمي بالله ، ارسم ابتسامه حلوه ، وجه عيونك لعروستك اللي قاعده في الكوشه (هذا اذا سوت فيك حركه نذاله وسبقتك للكوشه
وقعدت على الكرسي قبلك)

اما اذا كنتوا ماشيين سوا:

امسك يدها بشويش مو تضغط عليها كنك خايف وماسك ايد امك
ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك .
بس خلاص نادوا الناس للعشاء وكل واحد يروح بيته
قلنا خلاص وش منتظرين؟؟

ايييه صح غنوا معهم:

ومباركين عرس الاثنين ، لا لا لا لحظه لاتروحون ، ياخي خليك رومنسي شوي وشيلها قبل لاتدخلون الغرفه ، خللي دمك خفيف شوي علشان تشيل الحواجز بينكم ويروح الاحراج والخوف.

ودمتم سالمين

[ربيبة الزهـراء]

خـــوووش نصائح غاليتي
ام وحيده

^^

مشكوره قلبي

[أم حمود و علاوي]

تسلمي حبيبتي و يعطيك العافية

[أم معصومة]

نصائح جميلة....

[عاشق الامام الكاظم]

مشكورة اختي على النصائح

[حائر]

نصائح جميلة....
بس قديمه ههههههههههههههههههههههههههههههههههههههه


مشكوررررررررررررررررررررررررررررررررررررره

[عاشق الأكرف]

خووش نصايح والله

نستفيد منها بعد كم شهر ان شاء الله


تشكري خيتو على الطرح

ودمتم

[فلاان]

هههه نصائح حلوة .. وثمينه :p

زين قلتو لينا تنظيف البخار قبل باسبوع :p

واصعب وقت دخول الرجال ع صالة الحريم بدعة وبدعوها لينا وتصوير ومادري شنو ><

من يوم العقد بقول للمدام مافي هالحركة ماتمشي عندي :p

وشسمه .. ايي .. المعرس ما يتآخر ع روحة شقتهم بس المشكلة ع العروس إلي ماتخلص إلا اخر الليل .. تعجبنا لما بنت خالي قالو خلصت من 11 تقريبا وقالو لولد عمنا جان يروح يصورون في الصالة ..

ومارجعو إلا فوق الـ1 خ خ خ .. اهنا قلت الحين عدل مايصير العروس تخلص مبكر :p


ومقآل رائع اختي ام وحيدة
رحم الله والديج نفعتي عآشق الاكرف ;)

[عراقي باصلي وبدمي]

نصائح جميله
مشكوره اختنا العزيزه.
ربي يوفق الجميع ويسهل عليهم