[على العاشق]

حبيت الصليب وقدسيته هواي
لأن شال المسيح الما خلص صبره
وقدست الرمح چا شال راس حسين
وما خله الحوافر تسحگ بنحره
وسيف الي طبر هامت علي الكرار
خالي امن الذنب صدگوني بالطبره
ومو ذنب السياط الطگت الحوراء
الذنب چف اليشيل السوط ويأمره
ولا ذنبه يطيح اعله النهر عباس
الذنب گطعو اچفوفه وطاحن بكتره
والبسمار خالي امن الذنب والباب
ويبرن يا خلگ من عصرة الزهره
ومو يوسف زليخه العتدت يا ناس
وقميصه اكبر دليل مشگگ بظهره
مو سحار موسى ولكن امن الااه
ذل فرعون ذاك وزمرته وسحره
وقيصير أجنبي وما شگگ المرسول
ومرسول النبي شگه النذل كسره
النجاشي امن المسيح وينصر الأسلام
وابو سفيان مسلم يرفض ينصره
ومنو مثل الوليد الي كفر بالدين
كتاب الله شگه ويسبح بخمره
يأسفني التشيله چفوفي من الگاع
يفرح جدمي لمن يزلگ بحفره
وعجبني الورد ميشيل گلبه الغيض
وعلى چف اليگطعه يفيض في عطره
ومنو مثل الدلال تضيف الخطار
لجل تكرم الضيف تعانق الجمره
ومو كلمن يسولف بالمضايف شيخ
للحچي المعدل خاصه الشمره
ومو ياهو الي يركب عالمهر خيال
أكو يركب لچن يوگع بلا عثره
ولا تطغه انصحك والعن الشيطان
تره الدنيه جسر كل واحد يعبره

ولكم مني اطيب التحايا
العاشق

[نور المستوحشين]

بارك الله بكم أخي الكريم

في ميزان اعمالكم ..وبانتظار المزيد

الرجاء كتابة المصدر هل هي منقولة ام من ابداعاتكم الشخصية



تحياااتي نور...

[ايمان حسيني]

شكرا الك اخي العزيز كلش احب القصائد اللي تخليه حلوه ومعبره دمت بتميز

[عادل الناجي]

هذي الكلمات اذتني واتمنى لو تحملو شويه مني
لان بعد ما اكدر اتحمل اكثر
شرد اگلك عالوضع شنهي الجديد ..
انته يا بيت التطبله وما كو بيه صورة شهيد ؟!
شرد اگلك ..عن رياضي العاف اهله ..
ابخير .. وبصحه .. وسعاده ..
ورايح ايمثل بلاده ..
ومن رجع ما شاف واحد .. شاف بس كومة حديد
وبيته طايح فوگـ اهله
وما مصدگـ .. مدري وهواس ابخياله
وناس غربه .. وعدهه غيره .. وطلعوا جثة جهاله
وياهو ليروح ويگله ؟؟
ايگله بس انطيني مهله ..

وشرد اگلك عالوطن ما بيه امان ..
انه سامعهه بوكت ما كان .. كان
چانت امي بزغري انه .. اتسولف القصه وانام
اتعودت كلما انام
يمه .. وعفيه يمه القصه اريد
ورايد اسمعهه ابحنان .. يمه كلهه ومن جديد
وشرد اگلك واحد امتاني العزيز
يمته يرجع ؟ يمته يوصل ؟
ومن وصله الخبر ميت !!
راد يصفگـ ايد بيد ... وما گَدر ما عنده ايد !
ما ملك بس ايد وحده .. وبس دمع جاري اعله خده ..
وشارد امن الدنيه شرده ..
جاي تسألني شتريد ..؟
جاي تسألني شگلك .. شنهو اريد وما اريد
انه اريداً كلشي اريد ..وكلشي منك ما اريد !
انه اريد لكل فقير اتصير بسمه ..
وترسم فوگـ الشفايف
وانه اريد لكل يتيم ايردله حلمه
وما ينام وهو خايف ..
وانه اريد لكل مواطن عنده كلمه
وتنحچي ابوكت السوالف ...
ما يخاف ..
انفكر احنه اشوكت نسمن ؟ .. واحنه كاتلنه الجفاف

واحنه وصلتنه المجاعه
وناس ملتهيه ابنواط الشجاعه
انه اريد .. النوط نفسه .. وكون ينطونه لفقير
بس اريد انبدل اسمه ...
وبشرط نوط القناعه ..!!
وشرد اگلك عالمصايف ..
ناس مصيفهه البحار .. وناس مصيفهه بالجوادر
وناس نامت عالخضار .. وناس ماتت عالمنابر
ناس تفتر ابمنزه .. او حديقه
وناس تفتر بالمقابر
امريه حجيه خطيه ..
والوكت حيه دفنهه ..!!
وجايه ادور اعلبنهه ..
وشرد اگلك ..
عن ابنهه اشلون مات ..؟
گاعده وتدعيله يرجع بالصلاة
وهيه سمعت صوت باب اندگـ عليهه ..
وركضت ابلهفه تفتحه ..
وسلموهه أبيديهه اوراق الوفاة
انته ما تدري ابوضعنه ..
جاي تسألني شتريد ..؟
انته يا بيت التطبله ...
عود ماكو بي صورة شهيد ..؟!

واليرحم الله اخونا الشهيد سيد ع