|
|
شاعر
|
|
رقم العضوية : 39574
|
|
الإنتساب : Aug 2009
|
|
المشاركات : 1,995
|
|
بمعدل : 0.36 يوميا
|
|
|
|
|
|
المنتدى :
المنتدى الثقافي
ام البنين و الوداع الاخير
بتاريخ : 30-09-2009 الساعة : 01:41 AM
قصيده عن لسان حال ام البنين عليها السلام في ساعات الوداع الاخيره مع احباب القلب .. اهدي ثوابها الى جميع اموات شيعة علي عليه السلام من لا ذاكر لهم يذكرهم واسالكم الدعاء
.................
دمعت اعيوني .. من ودعوني
ضعن الفواطم من ســار
دمعي جره وفكري احتار
من فاركَوني .. من ودعوني
...... 1......
ام البنين ودهــــري راواني الويل
هد حيلي لوداع وهِـــدم مني الحيل
ضعن الاحبهم خلــّه دمـعاتي اتسيل
بفراكَـ ابو الاكبر شَـــــــنامن ياليل
يا ليل انامه .... وآنه وضلامه
نتسامر اعله الغياب
ماضن تعود الاحباب
سَم جـَرِّعوني
من ودعـوني
...... 2 .......
يا هم ثجـيل الينحمل يا افــــــكار
ويه العــــــقيله اشينِّسه يا تذكار
وي الحسين الجان عامود الدار
لو ويه عباس الحبيب المــــغوار
كل رمشه آهه .... شيحمل اذاهه
لـو سكـنه لـو ام كلثوم
كَـلبي ابسفرهن مالوم
زادن اشجوني
من ودعوني
........ 3 ........
ظلـــــــــمه الليالي ابغير راعي النوماس
وشــلـــــــون احمل فركَتــــه يا هـــــلناس
جبدي انفطر بفراكَهِ او شاب الـــــــــراس
وابيـــَـضـّن اعيونــــــــــي ابرحيل العباس
زرع الزرعته .... وبعيوني صنته
جعفر وعون الربـــيت
وعثمان شمعات البيت
يعمن اعيوني
من ودعوني
......... 4 ........
بالنوح راح اكضي الليالي يحسين
ادريكـــــم ابـــــهذا السفر مذبوحين
يولـــــيدي شتوصيني يا نور العين
ياريت مـــــــيته ولا اودعك يحسين
كَلهه الرزيه .... بالغاضريه
يايمه راسي ايكَطعون
والعايلتــــــنه يسبون
ويــسـَلَـبوني
مـن ودعوني
...... 5 ......
بالله يحادي اضعون ابن ثـــار الله
ريض اريد اشبع اموادع ويــــــاه
تانيني واسمع شهكَتي وجمر الآه
يـنزل اشــم نحره واقـــــبل يـمناه
يبن البتوله .... شنهو الاكَوله
ياريته ياخــذني البين
ولا ابكَه عكَبك يحسين
انطر يـجوني
من ودعوني
...... 6 .....
آنه ودموعي وشجوني وذكرياتي وكل ونيني
انطر الساعه الي بيهه طـارش المنكم يجيني
والله ما احمل ييمه او علدرب مشبوحه عيني
لو بيدي وياكم رحت
وابكربله وياكم طحت
وي زينب ابصوتي صحت
وينك يبو الحمله علي
ترضه الحراير تنولي
بالحومه طايح محملي
آه من هضم الليالي وآه من حكم القدر
بيكم فجعني
القصيده ترهم كعديه و ترهم لطميه .. اسالكم الدعاء
| |
|
|
|
|
|
العرض العادي
