جن افراشه جمعه رفت عل سنين
ما بقت مجتوفه وسط الشرنقه
فجر السيد اعذار الخائبين
وفتح صدره للقضايا المغلقه
دمه زورق فضح اسرارالبحار
وغركت اسرار البحار بزورقه
الصدر منطقه من ارض العراق
والعراق بكبره ساكن منطقه
اتمنه اسبوعي جمع كله يصير
حتى يجمع كلوبنه بكل ملتقى
وانته ليش تفسق بهذا وهذاك
ماكو داعي وداعتك لتفسقه
صورة الحق واضحة ابلا زخرفات
وما تغش عيوني صورة مزروقه
الساحة مفتوحة فقط للشهداء
والبقاء يدوم للدمه بقه
والصدر زف عمره لتراب العراق
وصاغ دمه كلادة في كل منطقه
هكذا كون الرجال العاشقين
لو فلا تدعى رجال عاشقه
هو منبر بالشمس فيه اعله جيش
وغيره جيش وهرب من ظل فيلقه
هو من حلل دماه اعله الجهاد
وغيره من حلل ونام بفندقه
(قدس الله سره) في قيد الحياة
ودام ظله في الشهادة السابقه
سلط الضوء اعله ثارات الحسين
وشذرات الثورة بالدم عالقه
واختصر موسوعته بختم الصبور
و(منة المنان) باْسمه مصدقه
وجلد المنهاج ا بئيادي الصالحين
والصالحين بغيره نهجة اتمزقه
وللمسائل كتب بعيون الردود
وللعشائر فقه بالحق طبقه
ما وراء الفقه حقق بالدليل
وعالارض فقه الفضاء امحققه
الجفن غيمات ولتفن عليه
وسيفه بالخطبه تحول صاعقه
ما قبل سندانه يتحول هشيم
وكف سندانه بعيون المطرقه
التقيه اجيال شاخت عالذليل
ونصه قمتهن بعينه الشاهقه
تسلق اصخور الجبل بس لكه هناك
(محمد الباقر) امس متسلقه
ولكم الشكر
منقووول عن لسان
الشاعر سعد الربيعي
اخوكم خادم للسيد
الصدر منطقه من ارض العراق / الشاعر سعد الربيعي
العرض العادي
