|
|
شاعر
|
|
رقم العضوية : 41470
|
|
الإنتساب : Sep 2009
|
|
المشاركات : 25
|
|
بمعدل : 0.00 يوميا
|
|
|
|
|
|
المنتدى :
المنتدى الثقافي
علمتنة الوردة انثى
بتاريخ : 15-11-2009 الساعة : 06:25 AM
علمتنة الوردة أنثى
علمتنة... الصار زيف... وكلمن يأيد السقيفة مونضيف
مونضيف اليسهر بحانات مكة ...وعود يصحة ويحكم الدين الحنيف
وعلمتنة... الدنية طيف ...ماتدوم ولاتفرق بين نايم على ريش
وبين نايم عالرصيف
وعلمتنة...الفقر دين يعيش بينة العمر كلة...وينتهي بكلمة عفيف
وعلمتنة...البشر ضيف.صدك شما طال عمرة بالكبر يلكة المضيف
وعلمتنة...الدمعة بذرة تخضر بخد اليتيم اجمل رغيف
*******************
وعلمتنة...التاج ذمة ..واليلبسة يطالب بحق الفقير
وعلمتنة...العوز طبعك وهاي حيرة شلون محتاز وأمير
وعلمتنة الكلشي... ماكو...يعني نايم عالحصير
يعني اغنة الناس انت..همة ماعدهم كرامة
وانت تملكهة وبعد تملك ضمير
وعلمتنة... الوطن بيت كون ماتقبل يدوسة لازغير ولاجبير
وعلمتنة...القوة رقة... يعني من نلزم فراشة
مانقيدهة بسناسل...عالورد خلهة تطير
وعلمتنة...السيف وردة...تنتحر تذبح عطرهة يوم تصبح
ذابلة بجف الضرير
وعلمتنة...الوردة أنثى...وبغصنهة تلكة سلة
حتى تحفظ كل شرفهة وللبشر تنضح عبير
وعلمتنة...شلون نفرح...نروح نفتر عاليتامة ...نلزم شموع وصواني
وكلنة نهتف مرحبا يوم الغدير ...مرحبا يوم الغدير
| |
|
|
|
|
|
العرض العادي
