[Nakheel_Aliraq]

: بعدني امقدر وامحسوب بين الناس صاحب جاه
: بعدني امشجل ابحيلي ولا فد يوم اكولن اه
: بعد ماذبني وكتي ولا لذت بحماه
: بعدني وماعثر جدمي شجاكم صحتو حيل اوياه
: الف وسفه وصلنه الهل وكت وبعينه شفناه
: بعد ماكو محنه ولا اخو التنخاه
: ولا ابن الوفي للخلفه ورباه
: ولا صاحب صديج اتامن ابممشاه
: صدك يمشي النمل للدبك يتعناه
: وصدك يتخربط الموزون للتمشي عكس دنياه
: بس البيه عزم ماتنثني يمناه
: يحسب للقدر وبحيله يتلكاه
: بعدني هنا بعدني ابخير عايش والحمد لله
: مامجبور احط راسي على صدرك واكشف المستور
: ولا مجبور اغني والجنح مكسور
: ولا مجبور اصيرن سندباد اتخوض بيه ابحور
: بس مجبور اتلاوه اويه روحي واكتم اسراري
: انه الجانت شواطيي تناغي الروح والجاري
: وانه الجانت تسر الصاحب اخباري
: تعبني الزمان واجار حيل اوياي
: بس كافي عرفت منين دربي اوين معباري
: بس طلعت شمس كشفت زوايا الليل والمستور ظل عاري
: ماريدن اصيرن للسوالف شير ولاريدن اصيرن بالعشك ساري
: مسطاح المحله وفوك جسمي اتدوس خذت صافي الحصاد وظل اللي الذاري
: بعد ماظل كلب يحمل مرار وضيم ولا يعزف بعد للعشك قيثاري

: الشاعر كاظم راضي الغزي

[عاشقة النجف]

بسم الله الرحمن الرحيم

الله الله
اختيارك جدا جميييل اخي الكريم نخيل
موفق يااااااارب
ننتظر جديدك

[ربيبة الزهـراء]

الله الله

شيء جمييييل ورائع

بارك الله بيك