ثوابها الى اموات القراء الكرام واموات شيعة امير المؤمنين المنسيين .. وأسألكم الدعاء
طول الزمن
طول الزمن ..... ما تنشف دمعات العين
طول الزمن ..... ما ننسه ذكرك يحسيــــن
++1++
ما ننسه اسمك يالولي ... للمحب يسري ابدمه
ذكرك عله اكليب المحب ... يحسين يمطر رحمه
يا رحمة الله الواسعه ... يا سر ابد منفـــــهمه
بيك الله ودع حكمته ... وانته التفسر الحكمه
يا سر الك ..... عد الله يا سر يحسين
يا سر الك .... خله المدامع صوبين
طول الزمن ......
++2++
كال النبي وكول النبي ... حجه البشر تبعتـــهه
يحسين الك وسط الكلب ... نار وتشب جمرتهه
لاجن فقط كَلب النـــقي ... هوَ اليحس لوعتهه
والطاهره المرضع تكت ... طول الدهر دمعتهه
يبن النبي ..... منبع صرت للثوار
يبن النبي ..... بكلوبنه يشب النار
طول الزمن ......
++3++
يبن البتول الطاهره ... لوعنه ذكر امصابك
كل يوم عاشور الصُبَح ... وكل كَاع هي اترابك
هاي الدموع السايله ... جتي وتدك ابوابك
من الله تطلب يالولي ... ترجع تزور اعتابك
يمته نرد ..... يم كبرك انصب ادموع
يمته نرد ..... ونداوي كلب المفجوع
طول الزمن .....
++4++
بالغربه تعلم سيدي ... صعبه اشكثر تدريهه
يحسين وعيون الخلك ... كل دمع ماضل بيهه
حنـــــينه لديار الاهل ... والكُــــبَتك نبــــــغيهه
يحسين ونات الكَلب ... لوَّعنه حد ماضيهه
شيعة علي ..... شاهدهه هاي الشبان
شيعة علي ..... تاهت ابين البلدان
طول الزمن ......
++5++
يالمنذبح لجل الشرع ... يبكَه وترف اعلامه
طه النبي ابضل ثورتك ... ليهسه باقي اسلامه
قران نحرك من كتب ... دمك حبر اقلامه
قرطاسه صدرك يالوفي ... داست الخيل اعظامه
نجمك سطع ..... ثوره الى يوم الدين
نجمك سطع ..... هز كل عروش الطاغين
طول الزمن .....
++6++
طول الزمن يا بن علي .... لجلك تهل دمعاتي
تبقه ابوسط كَلبي عشكـَ ... ما تبتعد عن ذاتي
لو تنحرف شرق وغرب .... يمك ترد وناتي
بس الك يبن الطاهره ... شهكاتي وي عبراتي
وحدك الك .... دمع النواظر سجاب
وحدك الك .... حزن الجوانح ما غاب
طول الزمن ....
تمت بعون الله
زكي اليـ النجفي ـاسري
يا ابا عبد الله ... ما ننساك .. طول الزمن
العرض العادي
