[احمد العراقي]

خطينه بعيون الزمن نصرك نصرنه .. يحسين
وروّينه ايام المجد من دم نحرنه .. يحسين

ما ممكن ننساك
عشنا ابفيض ادماك

وروّينه ايام المجد من دم نحرنه .. يحسين

...........................

بوابة طفّك للمجد قادتنه
عن المذلة ابصرختك صانتنه
بيها افتخرنه وعاللخلگ علّتنه
وعتنه وابعز العقيدة احيتنه

واصبحنه ابمعناك
ثورة اعله الـ عاداك

وروّينه ايام المجد من دم نحرنه .. يحسين

................................

سر البقاء الشامخ انته اكتبته
واسم البطولة ابثورتك وسّمته
حصن الديانة ابفيض نحرك صنته
وابوثبتك معنى النصر عرّفته

بالحق اتبعناك
لذّه الموت وياك

وروّينه ايام المجد من دم نحرنه .. يحسين

………………………………………

بينه الطغاة اتحيرت ما نخضع
رادتنه بانواع المكائد نركع
شافت صبرنه ابتضحياتك وقّع
عرفت عزمنه ابسر علاك امشبّع

اتحررنه ابفحواك
قائدنه اعرفناك

وروّينه ايام المجد من دم نحرنه .. يحسين

...............................

شمس الابه انت او ما تضيع انوارك
بيك انوجدنه وصار اسمنه انصارك
هالة معاجز من يحيط اسرارك
ويا منطق ايحدد افق لادوارك

تتجدد ذكراك
بينه وما عفناك

وروّينه ايام المجد من دم نحرنه .. يحسين

......................................

لبيك يا نهج الحقيقة المحضه
يا چلمة بيها الدين تمم فرضه
اركانه خمسه ابمنحرك تتوضه
وبيه عالضلالة ابكل وكت منتفضه

سرنه ابظل الواك
حب ثائر نهواك

وروّينه ايام المجد من دم نحرنه .. يحسين

............................

بيك انفطمنه ومستحيل انغيرك
سر الجلالة وآمنينه ابفكرك
عمر الخلود اشيسوه لو ما عمرك
يا تاج فخره الخالد ابدم نحرك

ما نهتم .. بحماك
اشتتولانه اعداك

وروّينه ايام المجد من دم نحرنه .. يحسين

................................

احمد العتابي
العراقي

[مازن الشطري]

الله والله أيحقلي أفتخر أن لي صديق قديم متجدد دمت موفق لكل خير وانت من تلك العائلة الطيبة المعروفة بتدينها في مدينتنا موفق حبيبي .

[احمد العراقي]

حبيبي الغالي مازن
اطرائك الجميل يشرفني
وطيب هذه الكلمات اتوسمه وسام فخر دائم
انا لي الشرف بك وما زال والحمد لله اني رايتك اليوم شاعرا راقيا خادما لاهل البيت عليهم السلام
لاعدمني الله تعالى دائما بركة تواجدك
وحفظك من كل مكروه
تحياتي لك

[الباحث عادل الايهم]

اللهم صل على محمد وال محمد
اخى الغالي ايها الجنوبي الفاضل
ابو شهاب الطيب
عمى وينك شو ماكو وين هالغيبة
مشتاقين لكم مولاي الفاضل

...... بوركت بالقصيدة
وموفق دوما وربي يحفظك ويرزقك شفاعة محمد وال محمد
اللهم امين

الايهم الرافضي
خادمكم

[عاشقة النجف]

بسم الله الرحمن الرحيم

سلمت تلك الحروف الحسينيه اللتي تشع بين صفحان المنتدى ..
طيب الله انفاسكم شاعرنا الكريم ,,
سدد المولى خطاك وجعلها الله لك شفيعة يوم الورود..

[احمد العراقي]

السلام عليكم
اخي العزيز والغالي ايهم
شرفني حضورك هناواسعدني رؤية تواجدك في صفحاتي
ظروف العمل والحياة تبعدنا بعض الوقت عن احبتنا
شكرا جزيلا لك يا طيب القلب والخلق
حفظك الله تعالى من كل مكروه ووفقك لكل خير
تحياتي واحترامي لك

[ام هاني]

ماشاء الله ابداع جديد وجميل مشكور على الابيات

[نرجس*]

من جد كلماااااااااااات رائعه جداً تسلم الانامل
في
أنتظار إبداعاتك



نرجس

[احمد العراقي]

السلام عليكم
اختي الكريمة عاشقة النجف
شكرا جزيلا لكم على تواجدكم الجميل
بارككم الله تعالى وحفظكم من كل مكروه
لاعدمناكم
ودمتم بكل خير
تحياتي