بالكلب خطينه
في حب الأمام علي(ع) - شعر : مرتضى شكر
لتصدك إنسينه - بالكلب خطينه
لافتى إلا علي - لافتى إلا علي
*************
آيه إبلسان الروح عالهادي نزلت
إنشــــــودة الأيمان بيها تجـــــلت
وأصبح حديث الناس جلمة المختار
إتعادل عمل ثقلين ضربة الكرار
هالصوت شفافي - ثوره على إشفافي
لافتى إلا علي - لافتى إلا علي
*************
يالتدعون إسلام وإيهمكم الدين
صار إبحضن تاريخ مثل أبو الحسنين
لاماسمعنه أوصار بعيون الأيام
راية نصر وإتلوح بجفوف الأسلام
بيرغ مجد رفرف - بالنجف الأشرف
لافتى إلا علي - لافتى إلا علي
***************
يسجد إله المحراب بأحضانه لوناح
لودلهمت تلكاه حاصودة أرواح
ماظن علي بالله إيمانه منحوت
من زاغت الأبصار وإتطافر الموت
أرتجي آمالي - إبترديد موالي
لافتى إلا علي - لافتى إلا علي
*************
موطمع جنه أوخوف حب الله قاده
حك عرف باري الكون أهل العباده
يادنيه لاتومين زهوج أتبعه
طالك ثلث مرات مابيها رجعه
للدنيه من جينه - بايعنه والينه
لافتى إلا علي - لافتى إلا علي
***************
شرفت بيت الله أوكلبك ثنيته
بالحمد والتسبيح ودعت بيته
شرفت كل دلال حبك إشراعه
ينقذه إمن الطوفان صك الشفاعه
هالصرح ماعوفه - والخلد بجروفه
لافتى إلا علي - لافتى إلا علي
***************
مرتضى شكر --- النجف الأشرف
هديتي لكل محب حيدري
السلام عليكم
الشاعر الفاضل مرتضى شكر
متباركين بذكرى عيد الغدير الاغر
وفقكم الله وثبتكم على الولايه
بارك الله بهذه الانفاس الطيبه
في خدمة اهل البيت عليهم السلام
لك منا اجمل المنى
اخوك ابو مهدي
حصريا لمنتديات أنا شيعي(بالكلب خطينه)
العرض العادي
