[taeser kazam]

انا دمعت حزن وحسين ضماني
نذر الرجعت العباس خلاني

جنت مضمومه كوه ابطرف جفن حسين
لا اني الطايحه ولا اهو الرداني

كل ما ينكسر كلبه على حيد يطيح
اوصل ورد اطيح يكلي لا تاني

انا من بير زمزم وصفه من كل ماي
نقيه وصافيه ومن السماء الواني

من شفت جرح حسين مدري صار
غيرني وخبطني وجمره سواني

انا عده ابمعزة زينب الحوراء
كدام الغرب ما تطلع ارداني

الي ابكل عينه خيمه وبقه شون
محتركه الخيم وجمر جواني

اسولف الوحدي وكون الامان يصير
كا ابراهيم اصير نيراني

وصبر وحترك ومتانيه العباس
وحلم بي رجع بجود طفاني

وحلم بلحسين ابتسم ونيران
خمدة بجروح وطفت نيراني

وحلم زينب تشرب اليتامه الماي
وسكنه تكلهم العباس رواني

وحلم برضيع الحسين يطي ماي
طحت من الفرح وحسين هلاني

وحلم يكله استقم بويه الدين
ومرت سلام ابغير قرباني

وصحه وكسرة الخاطر بعدها وياي
صنطه المشرعه وعباس ما جاني

وحس صدر الحسين اختنك والعبرات
روجه وياها اضيع وروجه وياها يلكاني

اذكر الحسين بي وحس الحسين بي يحتار
مره يكول اذكرج مره ينساني

كمت ابكلبي اسئله ما رجع عباس
لان جمره ابلهاتي وحركة الساني

سكته اشاهدة كمت استعد للموت
حاجاني الجفن وستعد وصاني

وحانت ساعة العباس كالوا طاح
هديت الرمش وحسين هداني

وكال انكسر ضهري وكال ارد ابجيج
وبخد الحسين اندفن عنواني