[ميثم الرماحي]

لطمية بحق سيد الشهداء

حب حسين يجري بدمنه
يجري بدمنه حب حسين
فوك الكلب خطينه ومن الزغر نادينه
حب حسين يجري بدمنه

حبك يبو اليمه سره بشرياني
مثل الشهد اسمك يمر بلساني
حبك صلاتي ومنهجي وايماني
رمزي وهويتي وبالحشر عنواني
من النار حبك جنه حبك جنه من النار
بالمحشر ينجينه ومن الزغر نادينه
............

عابس اذا هام وغرامك جنه
مثل احنه همنه وصرنا عابس كلنا
فعل النواصب حاشه ما يحرمنا
نبقى نزورك سيدي ونتعنه
ياتكفيري يكطع دربك يكطع دربك ياتكفيري
شوكه نصير بعينه ومن الزغر نادينه

..............

فوك الكلب اسمك نقشنه حروفه
ومن الزغر مايك روتنه جروفه
مثل الشمس فضلك يشع نشوفه
وانحس ضريحك كعبه يوم نطوفه
سبع اشواط نكطع يمك نكطع يمك شبع اشواط
و أ عللكبر حجينه ومن الزغر نادينه
..................

ندري بدربنا مفخخ وكله الغام
لاجن بقينا وما ثنتنا الايام
من عهد اميه لحد جرايم صدام
نتعنه ليك وما نهاب الضلام
لاميدوم حكم الطاغي حكم الطاغي لا ميدوم
جم حاكم معلكينه ومن الزغر نادينه
....................

ياسيدي لاخر نفس نبقى وياك
ترخصلك الروح ونظل نتفداك
نقسملك براعي الفضل حامي الواك
خطينا خط على الكلب ما ننساك
نترجاك يوم المحشر يوم المحشر نترجاك
بالكوثر تروينه ومن الزغر نادينا
ميثم الرماحي

[المتنصت]

الحسين يجري في دماءنا
أحسنت الرماحي

[رياض الرسل]

السلام عليكم

الرماحي الرائع


رائعه هي الكلمات
شرف كبير وجودك بيننا

دمت بكل خير

رياض الرسل

[كريم السعبري]

موفق يااستاذميثم الرماحي على هذه القصيده الرائعه
جعلها الله في ميزان حسناتك
سيد كريم السعبري

[حميد م]

لقد كتبت وابدعت
كم كانت كلماتك رائعه في معانيها
فكم استمتعت بصورها الجميلة
و بين سحرحروفك التي
ليس لها مثيل
تحياتي

دمتبألفخير

[سفينة البحار]

احسنتم واجاد قلمكم المبدع
رائعة بحق هذه الكلمات
موفقين لكل خير

[عهدي مع الحسين]

احسنتم اختي طرح غايه في الروعه الله
يعطيك العافيه قصيده جميله جدا
ونتضر جديدك

[ابو كرار القاسمي]

بارك الله بيك ابو سجاد

[حميد م]

وينك ابو سجاد
طولت علينه