[احمد العراقي]

السلام عليكم

الصبر خالط الحره من نبتها
وعزم صد النوايب من نبتها
المجد طرز اعتابه من نبتها
نبت رابي ابشموخ وروح ابيه

__________________________________

بيت حيدر هاي تزهي افراحه
وفاح وي زينب عطر قداحه

بيت حيدر صار جنة من الورود
بالبشاير گام عالعالم يجود
اليوم ماكو رافضها الوجود
عيد عنده وطر فجر مصباحه

طر صباحه ابوجه زينب من طلع
شگ ظلام الليل بالعلية ارتفع
جن شعاع وضاع بيه ابيوم شع
ومنه طرز بالسعادة اوشاحه

بيه تباهى وكحل اعيونه ابسرور
ابنور درة انولدت ابحضن البدور
يم مهدها اتجتف وما ظل يدور
شافه روضة وبالعطر فواحه

نور طه اويَ الصراط المستقيم
انمزجن النورين بالسر العظيم
ابهالولادة الخصها بارينه الكريم
خير ما لحظة الوگف مرواحه

فايض اعله الناس واملاك السماء
هذا كله ابجاه بنت الاصفياء
بيها عد الله فلا يرجع دعاء
وكل كظيم ايشوف يمها الراحه

بيها جبرائيل بارك للبشير
وهنّه ام حسين والوالي الامير
وخله بالجنات مولدها يصير
وعالفلك بافراح رف اجناحه

هاي زينب نفحة هي من الجنان
طود شامخ كله عزة وعنفوان
صح بشر بس بيها اكثر من كيان
وزود صد زيف الكفر واجماحه

دام حبها ودار وي مد السنين
وثبته التاريخ بين الخالدين
ظل علم خفاگ رغم الحاقدين
ما وصلّه ابيوم جف ولاحه
___________________________

وعليكم السلام ورحمة الله وبركاته

[عاشقة الاطهار]

تسلم الأنامل الي خطت الحروف

وكل عام والجميع بصحة وعافية

اللهم ارزقنا زيارتهم في الدنيا وشفاهتهم في الآخرة

تحياتي

[لبيك داعي الله]

احسنت احسنت سلمت اناملك الذهبيه

شعر جدا جميل وبلهجه جدا رائعه

نتمنى منك المزيد

نبارك لكم مولد عقيله الطالبيين

اتمنى لك التوفيق

[نور المستوحشين]

سلمت تلك الايادي الولائية .. فنعم الكلمات ماخطت

أجرك عند عقيلة الطالبين زينب عليها السلام ...

تحياتي نور..

[احمد العراقي]

السلام عليكم
اخوتي الافاضل
اشكركم جزيل الشكر لمروركم العطر وتواجدكم البهي هنا
وابارك لكم مولد مولاتنا الحوراء عليها افضل الصلاة والسلام
سائلا الله تعالى ان يعيده عليكم وعلى كل شيعة اهل البيت عليهم السلام بالامن والامان والسرور الدائم
وعليكم السلام