[احمد العراقي]

موعود عدل الله

ظلام ابلا خجل ما يعرف الگمره
خذه ابصدره السنين وما طلع فجره

طوه ابممشاة جدمه اهموم يابو اهموم
وايدوف الفرح وايخالطه ابعسره

يسد عين الشمس وايفل اخيوط النور
وايخلي الغيوم امسيّره ابـ شرّه

يهد خيله المجمحة الما تعرف اتهيد
اتغير ابنايباته وما ترد امره

نصب سلطان جوره ابدنية الباغين
واجفوف البغايا اتطبل لنصره

نصر مزعوم نصره ابجيش ما بيه شوف
بزمام الرذيلة المحتوي ايجره

ظن ساد البطل والحگ اتضايگ بيه
خمّد موج بحره وزلزلة ابـ برّه

لجن هيهات يصبح ما يريده ايصير
واعلام الهداية اتلوح بالبشره

تبشر بالفرح وابنور يحيي الكون
يطفي اعيون شره الرفضت اتبصره

يدك صرحه البناه وداره بيه اسنين
واينكّس لواءه ويقتلع جذره

نور اعظم فرج موعود عدل الله
الترد بيه الحقيقة اشعاعها اتنشره

يهزه اشما يمر طاري الـ نصف شعبان
لان يعرف منيته ابطلعته الغره

بگه يناطر مماته احساب يوم ابيوم
بيه يعلم يزول ويندفن عصره

خيّم ما رحمنه او احنه مكسورين
يكسر ما نجبره ونرجع انجبره

صبرنه وما جزعنه ابرجوة المأمول
لمصباح الاماني الحامله انّطره

يشگ ستر الظلام الباگ منّه النور
والغيم الثجيل الفوگنه ايفسره

[عاشقة الاطهار]

سلمت وسلم حرفك

وفقكم الله
تحياتي

[عاشقة النجف]

اهلا بك اخي الكريم والشاعر احمد العراقي ..
ماشاء الله ارى لك قصيدة اجمل من ان يقال بحقها جميله ..
كلماتها ولائيه
ناغمت الروح
فعانقت بها شوق القلب للمولى
لك كل الشكر والتقدير
واتمنى ان ارى جديدك اخي
تقبل مروري

[افنان]

مشكور جميله القصيده

[نور المستوحشين]

كلمات غاية في الروعة أخي الكريم ..

كلمات تداعب نسمات العشق الحائرة بين اضلعنا

موفق لكل خير

تحياتي نور..

[فاطمة ام ابيها]

الله يعطيك العافية

[احمد العراقي]

السلام عليكم
اخوتي الكرام
اشكركم جزيل الشكر على تواجدكم الرائع ومروركم العطر هنا
لاعدمناكم
وبارك الله تعالى بكم ووفقكم لكل خير
وعليكم السلام

[نور الزهراء]

جميل جدا
كلماتك معطرة بعط الايمان..
تسلم ايدك خيوو أحمد

أفقتدت ُ كتباتك واشعارك كثيراً
الحمدلله أنك رجعت لنا سالما ً..

[احمد العراقي]

السلام عليكم
اختي الفاضلة نور الزهراء
اشكركم جزيل الشكر على تواجدكم الرائع هنا
وبارك الله بكم لطيب كلماتكم
ووفقتم لكل خير
ولاعدمنا تواصلكم
وعليكم السلام

[حساوية و أفتخر]

تسلم ايدك خيي عالكلمات الحلوة
تقبل مروري
اختك:حساوية و افتخر