[احمد العراقي]

نبارك لمولانا بقية الله الاعظم ارواحنا لتراب اقدامه الفداء مولد مولاتنا الصديقة الطاهرة فاطمة الزهراء عليها افضل الصلاة والسلام مبتهلين الى الله تعالى بهذه المناسبة السعيدة ان يحفظ كل شيعة اهل البيت ويثبتهم على ولاية امير المؤمنين في الدنيا والاخرة

قصة فرح

گامت حروفي ابسما اشعاري تدور
وخطها قلم احساسها بصورة فرح

رن جرسها وفتّحت بيه الزهور
وكل صدر مخنوگ وياها انشرح

لبّست بانغامها الدنيا سرور
وخلّت المصباح بانواره جمح

غنّت وياها السنين ابلا فتور
يا عذوبة صوتها ان بالحب صدح

نظّمت ابياتها ابكل البحور
وابمعانيها الادب كله صبح

ناشدتها ابلا حچي ابهمس الشعور
مبهم الموضوع عندي وما وضح

جاوبتني وبيّنت كل الامور
ابما حچت غيم النشد كله انمسح

هذا مولد فاطمة النجمة التنور
البيها چف الجود عالدنيا نضح

هاي ام طه النبي وقطب العصور
البيها باب الكون عالخلقة انفتح

رحمة الله المنزلة ومنبع طهور
حجة .. ميزان العدل بيها رجح

واجب ابميلادها ايصير الحضور
خير كله ومن يشارك بيه فلح

گالت انت شقدمت لام البدور
جاوبتها وصوتي بالزهرة صدح

يا شمس فجر الدهور الما تغيب
ويا رمش عين الوحي الما غمّضت

ويا صراط الناس بيه للحگ تصيب
كون صح خطواتها اوياه حافظت

السنين الـ معرفة كنهه تنيب
سر تدور الباقية اعليه والمضت

باب للرايد يظل وده قريب
امن الاله ونفسه بالعدله حظت

اية من ايات اعجاز الحسيب
حروف چلمات الشرح بيها گضت

للدعا المفتاح والباري يجيب
وتسهل الحاجات لو بيها اعرضت

بالبتول اشما گلت مو شي غريب
ان چان يرضه الله اذا هي رضت

عالعقول الجاهلة ايبيّن عجيب
ماهي عالايمان بيها اتروضت

فاطمة ابضيگ الحشر ذاك الرهيب
الشفاعة الها كرامة اتفوضت

للظلمها الله جعل ناره نصيب
وعالنكر حقها رحمته اتگوضت

محور التكوين والنور المهيب
فلسفة او حكمة على العالم قضت

كوثر ومن فيضها الجنة تطيب
ولليواليها جعلها الله فضت

ام حسن وحسين وام طه الحبيب
البيها چلمات المدح ما ريّضت

احمد العتابي
العراقي

[مرتضى العاملي]

نبار لكم ولجميع المؤمنين ذي ذكرى ولادة الزهراء عليها السلام

شكرا لكم اخي احمد عبى قصيدتك الرائع في فضل ام الائمة عليهم السلام

[احمد العراقي]

السلام عليكم
اخي الفاضل مرتضى العاملي
الشكر موصول لحضرتكم على مروركم الجميل وتواجدكم المبارك
لاعدمناكم ان شاء الله
ودمتم بفضل رحمة الله تعالى ورعايته دوما
وعليكم السلام

[عاشقة النجف]

تتغنى حروف العشق للزهراءِ
لتترنم على شفاه من يواليها
فتصبح القصائد فداءا لمطلعها ..


سدد الباري خطاكم شاعرنا المتالق احمد ...
وبارك الله بكم دوما
لاعدمنا مشاركاتكم ..

[البدري14]

تأكد حزت نعمه من رضاها
هاي الرضا الباري من رضاها
ضلوع ام الايمه من رضاها
بصقر لو حكم ثلثين الدنيه
-------
اللهم صل على محمد وآل محمد
احمد العراقي
نظمت جوهرة شعريه غنية بمفردات سهله كالماء في
هضمها اسعب من الفرس الحرون على من لايجيد النظم
وفقك الله لشفاعة ام ابيها والبيت ابوذيه بالمباشر خاص
لقصيدتك
واشعر بالتقصير تقبل مروري

[احمد العراقي]

السلام عليم
اختي الفاضلة عاشقة النجف
شكرا جزيلا لكم على مروركم العدر وتواجدكم الجميل
بارككم الله تعالى ووفقكم لكل خير
لاعدمناكم مجددا
ودمتم بكل بركة
وعليكم السلام

[احمد العراقي]

السلام عليكم
اخي العزيز ابو تركي البدري
اشكرك كثيرا لبيت الابوذيه الرائع
ممتن جدا لتواجدكم وتواصلكم الذي اتشرف به في مواضيعي
بارككم الله تعالى ووفقكم لخير الدنيا والاخرة
ورزقنا جميعا زيارة مولاتنا الزهراء عليها افضل الصلاة والسلام في الدنيا وشفاعتها في الاخرة
لاعدمناكم
ودمتم بكل خير
وعليكم السلام