[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

العباس قمر العشيره
ـــــــــــــــــــــــــــــــــــــــــــــــــ
جودك وكع فوق الثرى يامنبع الجود == ياهو إنتَ يارايه إو هُوَتْ مليانه بالزود
شردت أعاديك = جودك يناديك = إنهض يمهموم
ــــــــــــــــــــــــــــــــــــــــــ
ياهو إنتَ يامثل القمر من يفقد إضواه == ما ينطفي بس مَحّد إيشوفه إو يحن آه
ينطي الضوه للعالم إو ما يبتغي الجاه == خَبّرني يافارس تره عقلي مضه إو تاه
صابغ للترب دمك جره يرسملك الفوز
دمك منتصر يافارس إو للغانمه إيحوز
عباس == عباس == عباس == عباس
خَبّرني يافارس شفت جودك نزف ماي == يبكي عليك إو ما ركد وبقلبه الداي
مايك مضه إو راح = سيفك بجه إو ناح = نورك طُفه اليوم
شردت أعاديك = جودك يناديك = إنهض يمهموم
ــــــــــــ
ياهو إنتَ شفتك ياشهم ذَبّيته للماي == عباس آني يانهر يتلاهب إحشاي
بس ما رضت روحي إعلى شربه إو ظلت إبداي == من ذكرت آلام العطش بحسين مولاي
لاهب قلبه إو عطشان من كثر الظمه ذاب
وإختي الواعدتها الماي اجيبه والامل خاب
عباس == عباس == عباس == عباس
كفي رمه الماي إطْلَعت وبأيدي الجود == كل من يواجهني شرد ما يرجع إردود
طيب الوفه بان = ياعالي الشان = بفعالك اليوم
شردت اعاديك = جودك يناديك = إنهض يمهموم
ـــــــــــــــــ
عباس آني يانهر وصّاني حيدر == بختي العقيله ما يمر بيها رده إو شر
واني صحت امرك يبو إحسين إو تِبَشّر == إيد العقيله إبأيدي ياحيدر يَأطهر
ياحيدر أبد ما أنسه إختي إو ما يمر ضيم
يم زينب وزيلن كل اسى بمرادف الغيم
عباس == عباس == عباس == عباس
وَصّتني أمي بالسبط وإخته العقيله == صرت آني كافلها إو نلت هاي الفضيله
ما غُمْضَتْ العين = عن إختي وإحسين = بس ويني هاليوم
شردت أعاديك = جودك يناديك = إنهض يمهموم
ـــــــــــــــــ
عباس آني يانهر للهاشميه == أحميها واسمع كل طلب بنت الزجيه
تِنْدِبْني أسقي إمن العطش بالغاضريه == أطفال ما خذها الظمه يابو الحميه
ياعباس جودك ياشهم منبع كرم صار
يسقي إبلا ثمن من كل عطش وإيْطَفّي النار
عباس == عباس == عباس == عباس
واني إحْمَلت جودي إو قصدتك رايد الماي == كل الصفوف إطّشرت ما ثِبْتَت إعداي
سيفي الرده صار = والواجها إنهار = من سيفي هاليوم
شردت أعاديك = جودك يناديك = إنهض يمهموم
ــــــــــــــــ
عباس آني يانهر رضعتني حبهم == أم البنين البلوفه وافتها أمهم
نالت شفاعة فاطمه والهادي جدهم == والحب مله قلبي إو نبض بس الذكرهم
اولاد النبي حبهم ملك قلبي إو مله الروح
أهواهم أظل وافدي النفس فدوه إلهم إتروح
عباس == عباس == عباس == عباس
ظليت آني عالوفه ما خَيّبتها == أم البنين الطاهره ما خالفتها
وإفديت الحسين = وَفّيته للدين = وبعمري هاليوم
شردت أعاديك = جودك يناديك = إنهض يمهموم
ـــــــــــــــــــ
عباس آني يانهر فوق الوطيه == غدروني اصحاب الغدر اهل الرديه
قطعوا يميني إو يسرتي صرت الرميه == والراس صوبوه إبعمد هاي الرزيه
من نار السهم عيني بعد ما تقدر إتشوف
والدم هالنزف يسقي الثرى وينادي يكفوف
عباس == عباس == عباس == عباس
ماي الأخذته يانهر بالسهم صوبوه == والرايه وكعت والأمل بالكاع صلبوه
بمخالف البين = ناديته يحسين = إلحقني هاليوم
شردت أعاديك = جودك يناديك = إنهض يمهموم
ــــــــــــــــــــــــــــــــــــــــــــــــــ ـــــــــــــــــــــ
يمكنكم سماع القصيده بصوت الرادود السعودي منتظر الصويلح
على الرابط التالي

http://www.wlidk.net/dldD7L76507.mp3.html

[شموخ كربلاء]

سيدي الكريم
كلمات ولائيه بحق الأمام العباس عليه السلام
سلمت الايادي
وأثابكم الله وعظم لكم الاجر
تقبل تحيتي

[جابر النجفي]

اقتباس : المشاركة الأصلية كتبت بواسطة شموخ كربلاء [ مشاهدة المشاركة ]

سيدي الكريم كلمات ولائيه بحق الأمام العباس عليه السلام سلمت الايادي وأثابكم الله وعظم لكم الاجر تقبل تحيتي

ـــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه الاديبه شموخ كربلاء
السلام عليكم ورحمة الله وبركاته
عظم الله اجوركِ
وشكرا لمروركِ الطيب وفقك الله ورعاك
ـــــــــــــــــــــــ
مع تحيات شاعر اهل البيت / جابر النجفي

[والي مطر]

الف شكر للشاعر الكبير (جابر النجفي) لك كل التقدير والأحترام لما خط قلمك المبدع دمت برعاية ابي الفضل العباس (ع) ااخوكم والي مطر

[جابر النجفي]

اقتباس : المشاركة الأصلية كتبت بواسطة والي مطر [ مشاهدة المشاركة ]

الف شكر للشاعر الكبير (جابر النجفي) لك كل التقدير والأحترام لما خط قلمك المبدع دمت برعاية ابي الفضل العباس (ع) ااخوكم والي مطر

ــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز الاديب والي مطر
السلام عليكم ورحمة الله وبركاته
شكرا للمرور الطيب وفقك الله وعظم اجورك
ـــــــــــــــــــــــــــــــ
مع تحيات شاعر اهل البيت / جابر النجفي

[حيدر النجفي]

وفقكم الله لكل خير تقبل تحياتي

[جابر النجفي]

اقتباس : المشاركة الأصلية كتبت بواسطة حيدر النجفي [ مشاهدة المشاركة ]

وفقكم الله لكل خير تقبل تحياتي

ــــــــــــــــــــــــــــــــــــــــــــــــــ ــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب حيدر النجفي
السلام عليكم ورحمة الله وبركاته
عظم الله اجورك اخي وشكرا لمرورك الطيب
ــــــــــــــــــــــــ
مع تحيات شاعر اهل البيت / جابر النجفي

[احمد العراقي]

اخي العزيز الشاعر جابر النجفي
قصيدة رائعة
احسنت واجدت
جعلها الله تعالى في ميزان اعمالك
وانالك شفاعة سيدي مولاي ابي الفضل العباس عليه افضل الصلاة والسلام
تحياتي

[جابر النجفي]

اقتباس : المشاركة الأصلية كتبت بواسطة احمد العراقي [ مشاهدة المشاركة ]

اخي العزيز الشاعر جابر النجفي قصيدة رائعة احسنت واجدت جعلها الله تعالى في ميزان اعمالك وانالك شفاعة سيدي مولاي ابي الفضل العباس عليه افضل الصلاة والسلام تحياتي

ــــــــــــــــــــــــــــــــــــــــــــــــــ ــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ العزيز احمد العراقي
السلام عليكم ورحمة الله وبركاته
عظم الله اجورك اخي الكريم وفقك الله ورعاك
شكرا لك للمرور الطيب
ـــــــــــــــــــــــــــــ
مع تحيات شاعر اهل البيت / جابر النجفي