[مسلم جميل جبر]

إعترافاتُ بعثيّ مُرتد

قصيدة نـُسجت على منوال مجرشة أبو ميس

التي أبدعها المُلآ عبود الكرخي

ذبّيتْ روحي اعـْـله البعث وْادري البعث ياذيها

يا وسْفتي مــا حـَصـّـلِـــت غير النـّدَم تاليهـــــا

يا وسْفتي بعْت الوطـــــن وصْبَحِتْ عبْد الدينار

ويّة الحراميّة صِــــــــرتْ تيّار يُضرُبْ تيّــــــار

وآنه إبوســط هالمعمعـــة (صاير مثل ماشة نار)

ْذيابة أوْ ضباع أوْ مَجْـلبة والعفلقي واويـــــــها

جوكة إذيابة إمكطُمــــــة والعفلقي بيها النّجــــم

صاير شريف إبن الزنـــا منْ عابتْ إلذاك البجــم

إيلعْب النفس منْ تنظـــره ماكو عقل بسْ الجســم

أوصاف أبدْ ما تنحجــــــي لو ما العيب أحجيــــهـا

لمْلوم إجوْ من كل كُتـُـــر واويّة ترعى إبكل زور

هذا الأجـــة من عوجة أو ذاك إللفهْ سبْع البور

أو هذا الذي بالدور ولد ويّاه جايــب بعْـــرور

فيْلقْ افاعي امرقطــــــــة والأجنبي إمْرَبّيهــــــــا

والمشكلة الماتنحجــــــي المايساوي خمس فلوس

جوقــة حراميّـــــة كمُـش طرطور يبعص طرطـور

واهل الشرايع زلـْك السّره ومْدافع اعلة الطابــــور

كلمنْ ايحود الكـُرصِتـــــه نار الفرن يشويــــــــها

ومْـنينْ أبدَأ ْ قصّتــــــي والقصّة حيْـلْ اطْويلــــــة

أحداث جَنـْها امصفـّطـه مثل الف ليله أو ليلــــــه

أعْـترفْ آني إتورّطـــتْ والورطة والله اثكيلـــــــــه

لكنْ عسه كلمن قـــــــراها القصتي يرويــــــــــــــها

رشّحني حزب العفلقــــي للإتحاد إعـــــــــــوازه

هوسة أو كلت خلْ أنتفـع من لـَمـّة ْ الهـــــــــزازة

مو إتحاد البيه رحـــِــتْ لطــّامة عِدْها إجنــــازه

كل النقاش إعله اللـــــغف أولّهــا أو تاليهـــــــــــا

ما شفت واحد بيْ نفـــــع كتّاب نـُصهـا إزبالـــــة

عشرين الف موقف إلـــه يُكلـُبْ مثل بدّالـــــــــــــة

إقبض إحسابك من دَبــــشْ ويْ جوقة البطالــــــــة

مخبوطة هاي المسألــــــة ما ينشُـــرب صافيهـــــا

عشرين ألف موقف إلـــه شويعير لكن باللغـُــــــــف

من ينحرِج ما ينفهـــــــم ينتف شعر راسه نتِــــف

أثول إيوتوت بالحجـــــي يا يابه من هيجي صلـف

حسبالك الهوسه الإجـت هو الذي مسوّيهـــــــــــا

حسّيت من أوّل حَــرُفْ هذا الجَمِعْ عفلوقـــــــــــي

صدّام ابن سير النـَعَل كايد(قاد،يقود) ستيف أو ميكــــــــي

خشـّــوْا علينه ابعنجهة يحجون بالتكتيكــــــــــــي

وتـْبيّن إزبالة (الزِلِــــم) ذرّة شــرَف ما بيهــــــــــا

خبّـاز تكريتي إللفهْ يحجيلـــي بالشرعيــــــــة

شـَرْعِيّة! لو كلمَن إلة واللـّغـُفْ بالكونيّـــــــــــــة

وجمالة أخو هدله النغلْ يرقصــلة بالجَفـّيـّــــــــــــة

لو يعلك العشـْرة شـمِعْ نهّاز هو نفعيهـــــــــــــا

قَيّمْنه يا ديرة عِفـَـــج يحكـُمْنــه هذا الخبــّـــــــاز

سـوّه الحُكـُم مثل اللُغـُز أو جيب إليحِل الألغـــــــاز

دنـْعَل أبو ذاك الحُــكُمْ بعِشرين ألفْ دَبّــة غــــاز

المصلحيه إمْبَرْمجـــــه يوم إندره فراريهـــــــــــــا

الإنتهازيه إمْبرمجــــــــــه وْبكُـلْ شبه زلمه طِبــــــع

صيف أوْ شته ضيم أو قهر دنـْعل أبو ذاك الوَضــــع

والماي مجْ إمسيّـــــــن أو لا ينشـُرُب لا ينـْجِــــرِع

والحُنـْطه مر بيها الدهر إلفيران تلعب بيهــــــــــا

عطّاله بطّاله البعث إيدور الشـُغـُل بالأُبـــــــــره

والجوع ذلْ أو بهْذلة للكـُفـُر همْ ايكفـْـــــــــــــــره

صار البعث يُطـْبَخ حصو لا تِمّـــــــــــن ْ أو لا إذره

بسْ النجاسة إللي بـُقـَت أو بالموتْ ما ينطيهــــــــا

جمْ واحـِدْ إتكصّـبْ غـَدِرْ أو تقره الهوية مجهـــــول

ضاعت علينه أو مَنـْعرفْ لا القاتل او لا المقتـــــــول

أو يطلـعْ نَجِرْ ناقص أصل بالمحكمه إيدُك إطْبـــــــــول

ويقول مضبوط البعث (وعيونـّـه إمْفتحيهــــــــا)

وابْن الزنا إبْكـُل القباحــــــــــه إيكولْ كُنــــه ثوره

والأمن ما بيه مُشكلـــــه بالأولويــّة انحُطـــــــــــــه

وآنه اسْتمِعْله وابْتســـــمْ وكُل ساع أركعه إبْعفـْطـــه

شنـْهل خـَرِطْ وين الحكم منهو الذي فر بيهـــــــا

البعثْ إمْغنـّيه التِفِــــــــــس بعثي النذل لوغنّـــــــــه

هذا اللي ما يسوه فلــــــس لو ما تِسِنـْده الدوْلــــــــه

لو سبِعْ صدّام البعثْ يسْكـُنْ ضواحـــي الدوره

أو (بالحفرة) مسجون النتن ما يقدر إيعدّيهــــــــــا

أمّنْ إضـْراطـــــــــك أوّلاً حتى إتنظّـــر للبعث

وطلع ابْنـُص هذا البعثْ مو قاعـــد إبذاك السجـــن

بسْ شحجي صارت مهزلة أو صار البعث بيد الطـِـــرن

واشلون يقدر نـُــــص ردِن ْ يا هل خلك يحميهــــــــــــا

واللي يحيّر كـُل عَقِــــلْ ويْخلــي بالك يندهـــــــــــــش

لُمـّنْ اتصير المرْيســـه ياخِذها بيّاع الثلج

ذولة اليخونون الشعب باجر ايهبّشــهُم هبِـــــــــــــش

وما ينعرف بعد الهبش أسفلها من عاليـهـــــــــــــــــا

ماكو حكومة إبهل البلدْ كول الفصل عــــِـــدْ عزّة

والمستشارة القاعدة عبْدة فِسي بن لادن

المشكلة من تجتمِع بينا أو علينا إعبـــــــــــــادة!

محّدْ يجادلها إبحـــــــرُف إشحدّه الذي إيحاجيـــها

اشـِحدّه اليجادلها ابحرُف من جوقة العُـفـطيّـــــــة

تنبشْ اقبور اهلة البعث وتـْـلـَبِســـة الدشداشـّــــــه

حُكـّام مال آخر زمَـــــــنْ عِنوانــهُم لوكِيـّـــــــــــــة

ما طِلـَع واحِد بي رجـــَه وبقـُنـْدَرة ايْرَبّيهم

باخِر زيارة اتحضـّرتْ قلت آخذ اليوم الثــــــــــار

لكن شفت كـُل الربـُــعْ شافوها صاروا طِشـّـــــار

ماكو أبدْ كُل فائـــــــدة العار ما يغســلْ عــــــــار

أو لو تطلع إنجوم الظهُر ما يرتِفِعْ واطيـــــــــــها

قامت اتـْنـَظـّر بالحجي ودْري الحجي كُله دغــــشْ

شورُقراطية امسـَلفِنـــه جابوهــأ من فكرالجحَــــشْ

حسّيت بالنكــْره أو كِلِتْ اقبض احْسابك من دَبَــــشْ

هاي القضيّة امْرَتـّبــــه ذرّة ْ صِدُق ما بيهـــــــــــــا

والليْ هضـَمْني أو قررت ما امْتِثِــلْ للأجْنبــــــــــي

منْ شفت(ذاك العفلقي مو يمشي جا يحبي حَبـي

قِدّام حفرة إموسخة شَبْه الزلمْ لبْسواْ عِبــــــي

لو زلم ما خلـّوا (فســي) تسْرحْ اوْ تـُمْرَحْ بيهــــــــا

لا مو زِلِمْ ذولة الخـَوَلْ حِكـّام طَق ْ إعطيّـــــــــــــــه

ما يرهملـهُم أيْ وصـُف بسْ ظاهرة صوتيّـــــــــــــه

اشعيط ومْعيط أو (شعر) مجموعة قـُشمنطيّــــــــــــه

لـَغـّافة كُلـها اتْحَزّمَـــتْ عَلـْبَلدْ تِنـْهَبْ بيهـــــــــــــــا

فـَدْ يوم طـَبّتْ العصــــرْ امْبَدّل اوْ لابــِس قاطــــــــي

للإتحاد أو بيه شـِفِتْ فدْ ثور ديمُقـْــراطـــــــــــــي

امْبيّن عليه ناقص عقلْ والواطي يُبْقى واطـــــــــــــي

همه الرواتبْ ترتفــع واسعاره ايعليّهـــــــــــــــــــا

تاريخة من اول وقِت أسود امْصخـّمْ لليـــــــــــــــوم

هوّه شاعر لكن بالرصف ويناضل إبنظم الثوم

يِجفِل اذا واحد عطــــس يمّـه أو يفز من النـــــــــوم

صاحِب أجنده أومصلحه بس الله يعلم بيهـــــــــــــــا

الْيدْري سودة امْصخـُمه والمادره كضبة عَـــــــــدَس

جذّاب مندس باتحاد أو جايب اوياه النِكــــــــس

والعُملة ديوان اصبحــتْ وهْنانه مرباط الفـَـــــــــرس

والكاوليّة إلبلركص طِلـْعوْ المْرَتـْبيهـــــــــــــــــا

طلـْعوأْ امْرتبين الوضِــع والمسألة انحاكتْ دَفِـــــــــن

جوه العباية اتآمــــــروا تافِه او مأفون أو نتـــــــــــن

مأمور مثل عبد لئيم إلذاك ابن صبحه العفِـــــــــن

فرهود صاحواْ بالبلــد حاضرها أو ماضيهـــــــــــــا

واكبر مهازلهم حُكـُم اللي تُسمّه محكمـــــــــــــه

بين الدغش واهل الدغش كـُل الأمور امْرَهُّمــــــــــــه

ارواح مليانه حقـــــــــــد ووجوه كـُلـْهـأ امصخـُمــــه

ما شفتْ واحد بيه نفــــع بالمحكمــه أو بندرهــــــــا

والمُدعي اليوم البطل منْ شَكـْلـه ابن الموســــوي

الكل تدري بن ذاك الفحل ديّاح إجتــّه الموســــــــوي

هذا النسب بس للعـربْ مو للدعي والفوضـــــــــــــوي

خل ينعدم أحسن إله ولعوْرتـــه ايْغطـّيهــــــــــــــا

ماننسى جابواْ قشمر البندر المجهول الأصــــــل

قالواْ عليه قاضي نجر لكن طلعْ ناقص عقـــــــــــــل

تِنـْزِل على روبه الوسخ رهوالته من ينفعــــــــــــــــل

يا ناس والله مهـزلــه والله الذي إنهاهــــــــــــــــــا